Garoowe (Mudugpost)– Maamulka Puntland ayaa weerar afka ah ku qaaday hoggaamiyaha SSC-Khaatumo, Cabdiqaadir Axmed Aw-Cali (Firdhiye), iyagoo ku eedeeyay inuu ku xad-gudbay heshiisyo hore oo ay wada gaareen labada dhinac.
Afhayeen u hadlay Puntland ayaa sheegay in SSC-Khaatumo ay si madax-bannaan ula macaamilayso dowladda federaalka, iyada oo aan wax tixgelin ah siin Puntland, taasoo uu ku tilmaamay mid dhaawacaysa midnimada iyo wadajirka siyaasadeed ee gobollada waqooyi-bari Soomaaliya.
Dhankiisa, hoggaamiyaha SSC-Khaatumo, Firdhiye, ayaa sheegay in maamulka uu hoggaamiyo uu xaq u leeyahay inuu si toos ah ula xiriiro dowladda federaalka, isagoo xusay in Puntland aysan la tashan SSC-Khaatumo markii ay xiriirka la sameysay maamulada gooni u goosadka ah ee ka jira dalka.
Firdhiye ayaa sidoo kale sheegay in SSC-Khaatumo ay diyaar u tahay wada-hadal iyo iskaashi, balse aysan aqbali doonin in la caburiyo rabitaankooda siyaasadeed iyo xiriirkooda ay la leeyihiin dowladda dhexe
